جيتك بطولي لك سبقني ظلي..
انريدك بعض مني القيتك كلي..
جيتك جارد
باشواقي مقوفلهن وشورك حارد
معبي عليك ارياف جوفي غارد..
عليك جلت كنيب الجضار اتجلي
نطني وواخذني حنين الوارد
كمين واو تاركن وراي امخلي
هذا غير من قجمة اغضا تصارد
سقايهن إيريدنه ادلاه إِيدلي..
القيتك فيّ
القيتك الصمت انتَ وفيك الديِّ.
يا نبض قلبي والضمير الحيّ..
بداية الحنان انتَ وبيك إيولي..
وانت الامان معاك فيك وليّ..
وانت ورود العمر وانت فٌلي..
وانت الحبيب اللي يخاف عليّ
وانت رفيق الدرب وانت خليّ
شايلني حنين شورك ايجازي بيّ
نبي بعض منك جيت بك متمليّ..
***
"ولد الاجواد...زيد "
